Information
| Auteurs: | Charles d'Orléans |
| Date de naissance: | 1394 |
| Date de mort: | 1465 |
| Description: | http://fr.wikipedia.org/wiki/Charles_Ier_d'Orl%C3%A9ans |
Vostre bouche dit...
Vostre bouche dit : Baisiez moy,
Ce m'est avis quant la regarde ;
Mais Dangier de trop prés la garde,
Dont mainte doleur je reçoy.
Laissiez m'avoir, par vostre foy,
Un doulx baisier, sans que plus tarde ;
Vostre bouche dit : Baisiez moy,
Ce m'est avis quant la regarde.
Dangier me heit, ne scay pourquoy,
Et tousjours Destourbier me darde ;
Je prie a Dieu que mal feu l'arde !
Il fust temps qu'il se tenist coy.
Vostre bouche dit : Baisiez moy.
Tags: